黃美棋結婚戲遇大雨器材被困泥坑 首披嫁衣拍劇憂太肥唔靚

TVB劇集《青年心城之撐起青春》將於周日（7號）迎來最終回，上集劇情講到阿峰（林正峰飾）因難頂與阿欣（游嘉欣飾）貧富懸殊，執包袱出走，途中遭阿欣攔截，二人大吵一場；阿欣最後忍無可忍決定放手兼出走台灣散心。之後一直選擇逃避現實的阿峰，終付出沉重代價。
大結局篇的拍攝，與阿峰的人生一樣波折重重，事緣拍攝配對公司老闆阿晴（黃美棋飾）及阿磊（林子超飾）婚禮當日，因為天雨關係以致運送拍攝器材的貨車卡了在泥坑中未能如期抵達；在別無選擇下，製作組改以兩部手機拍畢該個場口，但拍出來效果卻與專業拍攝器材無異，令演員們為之讚嘆。該場劇情講述阿晴與阿磊排除萬難在疫情下舉行婚禮，美棋BB婚紗Look更是相當養眼。

談到工作人員當日情急智生改用手機拍攝，美棋BB對幕後團隊讚不絕口謂：「真係好驚險，好彩依家嘅電話像素夠高，導演轉數又快，攝影師又夠經驗，場戲先可以咁順利完成咋！」談到被手機如此近距離拍攝有否不習慣？美棋BB笑謂：「又冇唔自然喎，反而好似平時影相咁。（快咗定慢咗收工？）快咗呀！」美棋BB透露是次是首度披嫁衣拍劇，並笑指拍攝前有隱憂：「擔心自己太肥著婚紗唔靚，好彩工作人員拎嘅角度好就到我。」