維港會｜「大嘥鬼」抽水化身男團成員 出鬼仔卡籲惜食勿嘥雞

向來貼地的大嘥鬼又有新搞作！近日大嘥鬼化身貌似人氣男團MIRROR的成員，呼籲粉絲換取偶像偶像紙盒及紀念卡時，要記得珍惜食物。帖文引起網民熱烈討論，連政府新聞網亦轉發帖文，一同呼籲，「食得晒先至好嗌」！

大嘥鬼於Facebook發文，指「近期有餐廳賣紙盒及偶像紀念卡送炸雞」，不少朋友都成群結隊入手，冀集齊一套。不過大嘥鬼強調，他更關心購買炸雞的人有否惜食，「係咪真係食晒㗎？」，並重申其出道的金句，「食得晒先至好嗌」。

大嘥鬼更趁著熱潮，披上韓式長瀏海、戴上耳環，及身穿全套白西裝，瞪起閃亮亮大眼睛，手中拿着炸雞，提醒網民「勿嘥雞」。從照片可見，大嘥鬼背後放有12名不同造型成員的紀念卡，與近日男團MIRROR擔任快餐店代言人推出鏡仔卡十分相似。大嘥鬼為配合形象，更推出鬼鬼概念版「鬼仔卡」，笑言「送晒畀你哋，不過無雞送」！

大嘥鬼風趣的帖文更引來政府新聞網的轉發，留言指「餐廳賣紙盒同偶像紀念卡送炸雞焫着鬼鬼」，並提醒購買炸雞的人不要浪費，應量力而為。

帖文隨即引起網民熱論，不少網民大讚大嘥鬼的「新造型」似模似樣，「係鬼鬼我就要」、「大嘥鬼喺度扮姜濤BB」、「好欣賞大嘥鬼百變靈活嘅宣傳方式」，亦有網民要求「唔該，後面個12隻鬼鬼出sticker呀」！