麥當娜谷晒胸扮小丑嬸嬸 全家出動賀萬聖節

出道40年，63歲的樂壇天后麥當娜（Madonna）仍然活躍，關心時事又貪玩，更新社交平台速度拍得住後生仔，最難得近年個樣被指過度膠化都無阻娜嬸Po性感相，你有你鬧佢有佢Po，貫徹理鬼得你風格。

當今年萬聖節全球瘋扮《魷魚遊戲》角色，娜嬸就玩懷舊扮小丑女，Detail位扮到足，表情又好配合，咁當然佢Po嘅相都一定有PS過，63歲點會仲咁白滑。24歲囡囡Lourdes Leon及27歲排舞師男友Ahlamalik Williams 亦有一齊玩。