肥仔D.I.Y清潔工版峰田實　網民取笑白色短褲似紙尿片

玩遊戲好叻，諗頭又多的ERROR成員梁業（肥仔）喺IG上載咗今年嘅萬聖節裝扮。相中嘅肥仔非常騎呢，佢套住髮網，戴住面罩，加上緊身黑色長袖衫、黃色披肩、一對洗碗用的膠手套、黑色Legging、D.I.Y白色短褲，螢光黃色襪子及黃黑膠鞋，原來肥仔扮緊《我的英雄學院》峰田實，但佢咁着去洗碗真心一流。

肥仔更公開了一段影片，片中經理人濟哥非常興奮地幫肥仔Set造型，旁邊又有好多人喺度笑。網民見到肥仔呢身造型都大讚佢有創意，又留言叫肥仔「買條成人紙尿片」取代自製的白色短褲，而小花又讚佢係全香港扮得最似嗰個。