Dua Lipa着高釵薄紗裙扮艷鬼 貼住老友下身High爆跳舞

26歲英國女歌手Dua Lipa行開野性路線，之前同家人及朋友去阿爾巴尼亞玩足成個月，晚晚開P，瞓醒又喺泳池邊開Noon P，萬聖節呢啲日子當然有咁盡玩咁盡。

火辣Dua Lipa會扮乜嘢?當然唔係《魷魚遊戲》角色，雖然佢都好鍾意睇，但show唔到性感就唔關佢事啦。見佢Po嘅相，黑色絲絨低胸高釵裙配薄紗，可以完整Show晒成個靚Pat Pat，加埋嘴邊嘅血跡，應該係扮一個艷鬼，扮乜唔重要，最緊要投入，見佢挨喺牆又瞓晒地扮晒好唔掂咁，無論裝扮定演技都好高分。最後佢仲醒晒同朋友跳辣舞，貼住老友Pat Pat係咁扭，氣氛超高漲。