林芊妤負重200磅孭起老公 稱做好自己唔怕另一半離棄

林芊妤（Coffee）與老公翟志榮結婚三年，兒子「伯伯」於上月踏入3歲，Coffee已開始訓練囝囝擔任攝影師，為她與老公拍生活片段。昨日（31日）Coffee在社交網上載一條短片，原本兩夫婦陪小朋友到屋苑樓下的遊樂設施玩，其間Coffee一時興起，跑到老公身旁表示要揹起對方，老公亦好配合，即雙手橫跨攬着老婆，而Coffee則抽住老公的大腿揹起對方，更成功行了超過10步。

不少網民見到Coffee的大力士表現，大表欣賞。Coffee留言：「Yeah！如果以後老公懶到不想走路，我可以揹他回家 #負重200磅」，之後她表示自己可以從軍，而有網民就留意到Coffee老公好似肥咗，不過她護夫說：「其實佢真人好fit㗎，唔知點解次次都影到佢咁，我錯」，有人就指男人增肥是好事，等他不能去識其他女仔，但Coffee有信心地回應：「我唔想整醜佢嚟達到呢個目的，我反而想做好自己令佢唔捨得離開我」，難怪她教瑜伽操得咁Fit，原來是有其他原因。