Juicy叮｜公屋母欲以40萬積蓄購300萬元居屋兩女感費解

2021-10-30 12:56

一名住在公屋的母親欲以「綠表」資格及40萬儲蓄，購買約300萬元的居屋單位，希望家人資助。資料圖片（示意圖）

公屋及居屋，應如何選擇？有女網民表示，住在公屋的母親近日欲以「綠表」資格購買約300萬元的居屋單位，惟母親只有40萬元積蓄，因此希望女網民及家人出錢資助，但母親未有細想有否能力供樓，令家人感到不解。

該名女網民在網上討論區「親子王國」發文，指母親現時住在公屋，近日突然提出欲以綠表計畫購買居屋，目標單位約200至300萬元，但母親只有40萬元儲蓄，遂向樓主及其姐姐求助，「佢可能想睇下家姐和我可以出到幾多錢盡畀首期，再睇下點供」。不過，樓主就指她與姐姐各有地方居住，不明白母親此時欲買樓的用意何在，又擔心母親百年歸老後「層樓點算」。

帖文引起熱議，有網民認為樓主母親沒有足夠金錢卻想買樓，實在不值得幫忙，「絕對唔會幫，你媽自己都無能力供」、「4x萬，好心做棺材本，仲攪咁多嘢做乜」、「嘩，佢自己都無錢供，即係要仔女代供樓？雖然第時老走咗可以賣啫，畀我就唔會孭多筆債喺身了」。

不過另有網民認為，樓主母親是想有層樓留給她們兩姊妹，「唔係為仔女置業，一般唔會想臨老先來供樓」、「始終會升值，百年後兩姐妹可以分咗佢，有得賺，公屋就無得留俾你哋」。亦有人指，若樓主擔心日後兩姐妹會為該間居屋有爭拗，可預先商量讓母親訂立「平安紙」，「最緊要傾掂數同埋寫低佢大家簽字，唔好到時嘈咋」。

資料來源：「親子王國」