胡鴻鈞跳舞唔叻自信不難睇 唔明開騷點解要除衫

胡鴻鈞（Hubert）作客TVB娛樂新聞台節目《StarTalk》，大談開騷感受，直言出道近十年時機成熟，他說：「之前有好多人問我幾時開騷，我自己都有心急，每一年都好想開，但要同自己講唔好急，之前覺得自己仲未Ready，一路吸收、一路學習，到依家開始有信心企喺一個大型啲嘅舞台。2018年試過搞一個小型音樂會，其中一Part同嘉賓Dear Jane合唱，當時自我感覺良好，好High，但我之後睇返Play Back，發覺自己有啲失控，咿哇鬼叫同Over，欠缺大將之風，所以今次要提醒自己保持冷靜。」

談到事先張揚於演唱會上跳舞，Hubert說：「跳舞一定有，老實講，我跳舞唔係好得！但我好自信咁話畀大家知，唔會難睇。過去我冇乜場合可以又唱又跳10分鐘同勁歌熱舞三四首歌，所以今次對我來講真係一個挑戰，推動自己進步！至於除衫，其實我真係好唔明點解開騷要除衫？大家到時入嚟睇就會知！其實都好彩之前拍電影做拳手角色，要喺四五個星期內由69公斤減到60公斤，依家會升咗1公斤，因為冇之前食得咁清，但就幫我開咗個頭，我會Keep住操練同做運動，至少着衫好睇咗！」