維港會|消息指謝影雪欲買樓自住 網民批賺公帑接廣告惹議

2021-10-19 10:49
有疑似公務員怒轟謝影雪以納稅人的錢出戰奧運,比賽後卻接拍廣告做「全職KOL」。資料圖片
有疑似公務員怒轟謝影雪以納稅人的錢出戰奧運,比賽後卻接拍廣告做「全職KOL」。資料圖片

發展商中洲置業旗下火炭樓盤「星凱.堤岸」早前接受認購登記,港隊羽毛球運動員謝影雪上周被拍到現身售樓處,據指她有意認購單位自住,方便出入體院訓練。不過,有疑似公務員看到相關消息後,在社交媒體怒轟運動員以納稅人的錢出戰奧運,比賽後卻接拍廣告做「全職KOL」,惟有關言論隨即惹來網民熱議!

有網民早前在社交媒體Facebook專頁「公務員secrets」投稿,批評身為香港運動員的謝影雪獲公帑資助訓練,比賽後卻接拍大量廣告賺錢買樓,質疑她「做全職KOL」。該名網民又不滿謝影雪未有維持運動員應有形象,「運動員唔係要挑戰自己,尊重奧林匹克精神?你哋成班傻仔又幫咗其他人買樓鞏固樓價!」

帖文隨即引起網上熱議,不少網民一面倒認為樓主的批評無理,「講得啱,唔識光合作用都唔好做運動員,尤其是喺香港最少都要乞食食樹皮」、「鍾意挑戰自己就唔使食飯唔使住要生活到成個乞兒咁?有奧林匹克精神就唔可以有物欲㗎?」、「(運動員)退役你養佢?」;更有人指其言論是出於眼紅「人哋有錢買樓關你蛋治咩,啲人真係酸到入心」、「個post好大陣酸味」。

資料來源:「公務員secrets」FB

港隊羽毛球混雙組合謝影雪(右)及鄧俊文(左)早前出戰東京奧運。資料圖片
港隊羽毛球混雙組合謝影雪(右)及鄧俊文(左)早前出戰東京奧運。資料圖片
謝影雪(左)及鄧俊文(中)獲恒基精英運動員嘉許計畫頒發獎金。資料圖片
謝影雪(左)及鄧俊文(中)獲恒基精英運動員嘉許計畫頒發獎金。資料圖片

關鍵字

最新回應

關鍵字

相關新聞

熱門文章