Jessica靠幻想湯告魯斯入戲 Agent L.飾演毒男信心十足

2021-10-19 00:30

ViuTV幕後團隊「無制限OT編集団」，除了導演劉諾衡（Mike導）人氣高企外，當中在不少節目中以「Agent L.」一角演出的導演曹梓冲，同樣成功出位，最近他便夥拍網絡女神陳苡臻（Jessica）合作為某連鎖食店拍宣傳片。片中Agent L.以一貫黑色特務裝備加戴黑超造型現身，邂逅穿上紅色露肩裙的Jessica，他即主動請女方飲酒，Jessica以「姐姐話」夾雜中英文講對白，當然Agent L. 也不少得他的口頭禪：“Secured.” 之後Agent L.以為自己成功追到Jessica，與她及三姐一同在食店內跳舞，但最後Agent L.發現只是自己自作多情。

Agent L.對於今次在宣傳片中擔正做主角，他表示：「條片雖然唔係太長，但竟然都有啲內心戲，當中又要忍笑，係我最弱嘅一環，心情好緊張。所以拍攝前我參考咗周星馳《喜劇之王》戲中嘅綠葉演繹方式，盡量做到史坦尼斯拉夫斯基中的《演員的自我修養》提到做演員嘅內涵，不過做毒男呢個角色我係有信心。」而Jessica笑言：「短片中為入戲，要覺得Agent L.好有型靚仔，係有啲難度，我就將佢幻想成為《職業特工隊》嘅Tom Cruise。」