胡鴻鈞指炎明熹似《魷魚遊戲》木頭人 對方一望住就唔敢郁

今日，炎明熹（Gigi）和胡鴻鈞（Hubert）為港台音樂節目錄影，Hubert坦言希望將來可跟Gigi唱合唱歌，又認為對方很年輕，拍劇時可盡量享受和吸收經驗，亦可多向前輩請教。他說：「唱歌方面，她唔使貼士，只需要多啲經驗，透過經歷同經驗，令唱歌更加有個人魅力。」Hubert又指羨慕一班「聲夢」學員夠年輕，自嘲個心年輕，但肉體並不年輕，不過非常戥他們開心，因為這年代資訊發達，較以前容易吸收更多事物，自己也想跟他們多交流給予新衝擊。他笑指Gigi好似熱爆全球韓劇《魷魚遊戲》中的木頭人，所以被對方望住就不敢郁動，又搞笑叫Gigi別瞪住他。

被指似木頭人的Gigi，笑言在學校時瞪一瞪同學就會入戲不敢郁動，又指若有機會開拍港版《魷魚遊戲》也想演出，藉此增進演技。

另外，提到好友許廷鏗（Alfred）在社交網開直播時，有聲稱曾嘉晴的人(後被指是假賬號)指被他搞大個肚。Hubert說：「我睇報道見到，最緊要當事人澄清返係誤會，好彩我未遇過呢啲事，遇過熱情粉絲，但唔會盜用帳號或入侵我嘅生活，都係向我表達支持同愛意，我依家都有保留粉絲寫畀我嘅信。」Gigi則謂未遇過瘋狂粉絲，反而試過演唱會後跟粉絲見面時，被一班粉絲手包圍住好有愛。