王浩信盼《廉政狙擊》開到第10季　黃宗澤讚蔡思貝轉數快

邵氏網劇《廉政狙擊》拍攝近四個月，日前在油塘拍攝煞科戲，當晚演員有黃宗澤（Bosco）、吳卓羲（Ron）、王浩信（Vincent）、陳展鵬、黃智賢（Ben）及蔡思貝。完成最後一場戲，一眾演員、邵氏高層樂易玲、導演黃國強、曾敏珊一同開香檳慶祝。

Bosco和Ron合作無間，感情一向好，現場見兩人傾到雞啄唔斷，問到會否不捨得對方，Ron笑言：「點都要分開吓，之後大家各有各忙，但相信好快會再見面。」Bosco話：「其實我哋兩個成日都見，以前喺TVB嘅時候合作唔多，反而大家出咗嚟之後合作多咗，差唔多年年都見面。」

今次拍攝該劇Bosco話與思貝友情激增，他大讚思貝轉數快：「有時大家對稿突然有新想法，佢都可以立即接應得到。」思貝開心謂：「初次同Bosco拍戲會有啲緊張，對住佢真係會怕醜。但經過幾個月合作之後，大家默契愈來愈好，好有火花，多謝Bosco，希望好快再次合作。」

Vincent透露劇集講述他與Bosco、Ron、胡定欣及黃智雯，從小一起長大，將成為劇中一個賣點。他笑說：「大家都識咗好耐，拍嘅時候好有默契同火花，會起到化學作用，更希望續集可以開到第10季。」

Ben在該劇飾演大反派，與Ron有不少「父子」感情戲，他笑言今後會很掛住Ron，希望下次合作能拉近彼此距離，演兄弟情。Ben表示很高興能與這個團隊合作，遇見老朋友羅霖。問到他完成後最想做甚麼事，他表示第一時間想剃鬚，很辛苦地保持這造型四個月了。