許廷鏗任《全民造星IV》全女班導師 搞到精神分裂想打花姐一巴

許霆鏗（Alfred）今日到郵輪碼頭為now studio拍攝宣傳片，分享自己曾追看的劇集，此外，他並於11月與彭秀慧一起舉行網上分享會，當中他推介其中一套美劇《Counterpart》，只因此劇講述間諜及平衡時空，正好與他的人生一樣，在平衡時空做兩份工，可有興趣拍劇？Alfred透露有份客串的電影很快上映，不過得知拍劇十分「困身」，不過他相信成事在人。

近日Alfred擔任ViuTV的《全民造星IV》的導師，笑指對着全女班參賽者，自己變得像精神分裂一樣：「我就嚟好似爆肝，個人感受情緒波動好大，有時好感動，但有時又好激動，好似就嚟黐線一樣。花姐（黃慧君）話我終於大個咗，我真係想一巴掌『車』佢，最好係喺最多鏡頭前。」

暫時仍未簽新唱片公司，有指音樂事業停頓，Alfred即透露下星期將推出新歌《佛系人生》，他表示：「轉化成獨立歌手，坦白講推出新歌要花多好多時間，而且依家多咗好多唔同頒獎典禮，我冇限制自己今年要攞到咩音樂獎項，只係想有自己嘅音樂推出啫。」