全民造星IV丨許廷鏗點名力讚趙展彤：唱歌好似播帶一樣

許廷鏗今日出席《全民造星IV》活動，首次做導師的他未知能否勝任，笑言早前看過96強參賽者的素顏，見到她們最真實一面覺得有少少滯，今日大家化好妝就感覺開胃，又讚她們可塑性高，希望自己可令她們更進步。如何去令參賽者進步？許廷鏗認為心態影響神情，自問不是惡導師，不過有朋友向他反映他很惡：「我有朋友嘅朋友入圍，佢哋話我好惡，但係我又唔覺得，可能是因為我認真同集中嘅時候，有時係會有啲嚴肅，如果佢哋嘅態度唔好，我唔排除自己會鬧人。（唔怕鬧喊佢哋？）我都識喊，哈哈！我都有惻隱之心，如果少少鬧都承受不了，將來點樣去面對網民和傳媒批評嘅壓力？」他謂會在唱功方面幫助她們，自言給她們的功課都有點份量。

許廷鏗又點名讚其中一位參賽者趙展彤，原來他們一起參加過《超級巨聲》：「當年佢只有12歲，我喺初選時負責評她，記得我都好嚴厲咁對佢，曾經話過佢同以前冇分別，後來大家傾開偈，發覺大家係可以交心，但係我唔會偏心，她唱歌好似播帶一樣好聽，希望搶到佢成為組員。」