栢天男首吊威吔跳樓 少少膽怯嗌好玩

　　(星島日報報道)栢天男昨日出席活動，剛完成電影《逃獄兄弟2》拍攝的他表示早前為新戲演出，首次嘗試吊威吔，並從5樓跳落去，大讚好玩。他說：「當日都跳咗5、6次。（可有受傷？）少少啦！初時上到去都有少少膽怯，第一次吊威吔唔識用力，落地時唔小心扭一扭膝頭，但很小事，自己捽咗跌打酒無事啦！」

　　栢天男更透露將會為電視劇《冥冥之中》宣傳，跟劉心悠、郭羨妮及潘燦良等合作演出。首次擔正做男主角的他，坦言感覺大壓力，但很佩服一班電視劇演員，因為劇中會貫穿五個平衡時空，所以要做足功課，既要連戲又跟足場口，一點也不容易。他說：「我所演嘅角色比較複雜，係我最大嘅挑戰。」