《梅艷芳》重現香港經典 製作費昂貴導演萌放棄念頭

傳記電影《梅艷芳》將於11月上映，主角梅艷芳由王丹妮飾演，此外還有古天樂、林家棟、廖子妤、劉俊謙及楊祐寧等人合演，電影公司今日發了一條幕後製作特輯的片段，解構如何重現六、七十年代香港的感覺在觀眾眼前，再加上一眾演員的落力演出，的確把當年經典的人和事，再次展現出來。

導演兼編劇梁樂民坦言曾有一刻覺得尖東場口只剩新世界建築物不用執後製，他謂：「咁貴，不如唔拍，但係大家反而勸我千萬唔好放棄，就連電腦特技最複雜嘅部分，佢哋都話：『我哋最有感覺，唔好放棄嗰啲場景，我哋要做呀！』我好多謝大家喺我軟弱嘅時候鼓勵我。」

結果經美術總監黃炳耀及視覺特效總監余國亮以及一眾幕後團隊，成功在電影中重現六、七十年代香港的面貌，如尖東海傍、辦公室、荔園、宋城下的熟食檔、彌敦道及佐敦道妙麗大招牌，其中余國亮笑說：「好多同事都係90或千禧後出世，上網搜尋『妙麗』，全部都只係搵到電影《哈利波特》嘅『妙麗』。好彩我細個見過『妙麗』大招牌，所以對個樣都有啲印象。」