陳凱琳陪兩仔到公園玩突感觸　見細仔露腩嘆成長太快

陳凱琳（Grace）與老公鄭嘉穎育有一對寶貝兒子，大仔Rafael已經兩歲半及細仔Yannick亦已14個月大。她今日於社交網分施與兩個囝囝到公園玩的照相，她留言慨嘆時光飛逝，兒子長大得太快：「Are your kids enjoying school？做父母嘅都知道，小朋友大得好快！仲記得佢哋着一件頭嘅時候……話咁快而家已經要着童裝啦！不過啲款式真係又靚又時尚！唔知佢哋幾時幫媽咪揀衫呢？#同小朋友影相真係好難 #亮點係亮亮肚腩仔」。

相中的兩個小朋友表情可愛，Rafael活潑得來又開心，而Yannick則憂鬱皺眉，有網民留言：「Yannick走憂鬱小生路線」、「細佬一直愁（皺）眉頭」。不過Grace在限時動態再貼三人合照時，就見到細仔展露笑容。