ANSONBEAN情歌MV冇女主角 幻想與愛侶拍拖有難度

ANSONBEAN（陳毅燊）獲同門師兄馮允謙（Jay）度身訂造的第二首主打歌《you made my day》終於登場。加入樂壇首支冧女情歌，ANSONBEAN除落足心機獻唱，在MV前晚（28日）首播前，還希望在社交平台先跟「豆粉」（粉絲暱稱）打招呼。不過，ANSONBEAN開Live期間卻遇上阻滯，因為家中用來開Live的照明燈壞了，他只好走到後樓梯位置開Live，待大家看完MV後，他才回到家中，再利用一個已壞掉的雪櫃裏的燈作照明。

今次MV一改傳統情歌拍攝手法，沒有女主角，雖然可以令怕醜仔鬆一口氣，但卻要面對另一個難題。他說：「個MV拍咗兩日，係講我帶住女朋友去勻好多唔同嘅拍拖勝地，但個MV冇女主角，係用女友視覺去拍攝，我要幻想身邊有一個人，再應導演要求做一啲好sweet好開心嘅表情，拖手嘅鏡頭都要借女工作人員隻手去拍攝，係有啲難度。」

MV先後去了中環摩天輪、旋轉木馬、大坑、觀塘海濱以及赤柱聖士提反灣拍攝，全部都是情侶必到景點。當去到嘉年華，童心未泯的他，除玩了多個攤位遊戲，但挑戰夾公仔機失敗無功而回。尾站去到聖士提反灣睇日落，導演更花心思在沙灘搭建小帳篷，營造浪漫氣氛。至於在屋內拍攝家中部份，ANSONBEAN穿上緊身背心的他，大show健碩身型，還有一連串「女友視覺」的冧女動作，令每個畫面充斥著無限幻想空間。