ANSONBEAN電力過盛 師姐黃淑蔓怕羞：佢一望我就縮

今年暑假正式加入樂壇的ANSONBEAN（陳毅燊），為要挑戰不同的音樂任務，公司安排了從英國放暑假回港的師姐Feanna（黃淑蔓），在寰亞音樂的頻道炮製一場mini LIVE show，雖然初次見面但愈唱愈合拍，不時四目交投又甜甜傻笑，現場充滿青春浪漫氣氛。

ANSONBEAN（陳毅燊）最近與師姐Feanna（黃淑蔓）開了一場網上的Mini Live Show，Feanna剛從英國放暑假回港，她笑言自己「寰亞孻女」：「雖然佢係我師弟，但我年紀最細，同埋我之前喺一個show見過佢，打招呼佢都表現得好冷淡，同我講Hello，可能以為我係fans囉。」

在四人樂隊及和音伴奏下，他們合唱了ANSONBEAN首支派台作《CRUSH（oh no!）》和AGA的《CityPop》。Feanna表現得有點怕醜，她解釋：「我一直要求公司搵個靚仔同我合作，終於實現願望，我小鹿亂撞咗好耐，完全唔敢同佢對望，一望我就縮，尤其唱《CRUSH（oh no!）》啲歌詞太sweet，你明唔明ANSONBEAN對住我唱啲咁sweet嘅嘢，我唔得嘞！」

師姐被電暈，ANSONBEAN卻一臉無辜：「我係好驚，扮唔驚。Feanna又好勁，唱嘅時候其實好緊張，加上現場冷氣有啲凍，我有啲坐立不安。」他一時坐一時企，笑言：「『力從地起』，愈企得穩就愈唱得好。」Feanna亦和議：「同意呀，我都鍾意貼地，我錄歌嘅時候都鍾意除鞋，或者坐地下。」他們亦希望將來有真正屬於二人的合唱歌。