程瑤率仁美代表整6千份飯餐 免費派發需要人士
2021-09-24 08:30 
由歷屆亞姐組成的「仁美清叙」熱心公益，日前主席程瑤率領一眾仁美代表陳綺明、莊韻澄、王瑋、蔡小蝶、盧曉琳、彭紫荊及高文君，前往觀塘「惜食堂」為有需要人士準備免費膳食．程瑤說：「好多朋友都有提及呢度嘅理念，惜食堂向飲食業回收安全食用嘅食物，再煮成營養均衡嘅膳食提供畀有需要人士，既環保又助人，構思相當好當然要支持及親身體驗一下，將好嘅訊息宣揚開去係我哋嘅責任。」
為確保衞生，當日眾人換上大會提供的衣服，並跟從指示戴上口罩、頭套、手套等去準備飯餐，結果大家一共製作了6,630份飯餐，雖然好攰，但一班仁美代表均覺得好有意義，所以非常值得。至於仁美的未來計劃？程瑤稱，去年疫情下跟溫哥華合辦網上籌款音樂會，今年若疫情持續緩和的話，便打算搞一個現場籌款音樂會：「除亞姐外，我哋會邀請多位紅星好友上台演出，為社會帶來更多歡樂正能量。」
此外，將往外地升讀碩士的2020年亞姐亞軍高文君，在暫別香港前最後一次在仁美做義工，她說：「我之前已完成香港大學學士學位，下星期就會飛到紐約升讀碩士，真係好唔捨得大家，雖然喺仁美只係短短一年，但能夠參與不同慈善活動真係好有意義，多謝程瑤主席及大家畀我嘅機會。」
關鍵字
最新回應