预咗Overrun丨伍仲衡开骚要尽兴 锺柔美笑称要由下昼开始唱

音乐人伍仲衡(Harry)日前与锺柔美(Yumi)及冼靖峰(Archie)接受主播许文轩(Edmond)主持的TVB娱乐新闻台节目《StarTalk》访问，谈到Harry即将举行音乐会Part 2，他说：「音乐会会系全新Rundown嘅骚，上次嘅歌玩完就喺上次留一个回忆。而且会系四面台，希望可以同观众拉近距离，今次嘉宾有好多都系新一代年轻歌手，好似Yumi同Archie。」

问今次再开音乐会，有甚么改善地方？Harry说：「上次做咗四个几钟八十只歌，今次唔可以唱咁长，唔可以Overrun，我嘅乐手话做我一个Show，等于做人地两个，再Overrun会罚钱罚得好金！(但系平时嘅网上音乐会闲闲哋都唱过十二点？) 我自己个场就冇所谓啫，人哋地方就唔得啦！」身旁的Archie和Yumi曾作客Harry的网上音乐会，Archie说：「真系快乐不知时日过，Harry一弹我就唱，完全冇谂过已经去到凌晨1点。」Yumi笑说：「唔够喉，下次要由下昼开始网上音乐会。」

刚完成麦花臣音乐会的Archie和Yumi也有分享台上唱歌趣事，Archie説：「上次唱《饿狼传说》有支Mic Stand，有一场我太兴奋，本身谂住好型咁推开支Mic Stand，点知太大力，支Mic Stand成支跌落座钢琴度，我带咗耳机都听到澎一声！当堂吓一吓，好彩钢琴一啲事都冇。」而Yumi亦试过耳机失灵，她说：「我同卫兰老师合唱，耳机冇声，惟有望住Janice嘅口型跟住唱，跟返佢个Flow，希望今次唱歌冇呢啲事发生。」

三人粉丝数量激增，Yumi 直言非常感动，要多谢Fans支持！Archie说：「佢哋有好多系中学生、小学生，未有能力搵钱，所以佢哋买好多礼物俾我哋嘅时候，我哋都好肉赤！另外，而家有好多粉丝支持，以后就唔可以当众撩牙，试过有一次撩完之后，有Fans叫我影相，我心谂大镬佢见到，劲尴尬！」Harry的Fans数量亦不遑多让，他说：「试过有Fans跟我，我去过嘅餐厅佢哋会成日去食，之前有一间我去搞过粉丝聚会，佢哋好犀利，记住我食过啲乜。我觉得大家似朋友，好Warm，系缘份！」