七公主丨鄺潔楹愛高大男貪安全感 陳戩浩成風化案嫌疑人嘆無辜

TVB劇集《七公主》的一眾演員鄺潔楹（Judy）、吳子冲、陳戩浩及陳諾忠等，今日均以一身劍擊服出席宣傳活動。身形嬌小的鄺潔楹，站於身形高大的吳子冲和陳諾忠的中間拍照時，即時形成強烈對比。

擁有5次拍拖經驗的鄺潔楹，笑言以往男友大多高過1米7，本身喜歡高度上有反差，反而感覺有安全感，她說：「我計過冇一個男友矮過1米7，不過真係咁橋，矮過1米7嘅人追求我，但我冇感覺囉。」與富二代餐廳老闆Ricky Yung拍拖年多的Judy，問到她感情狀況？她說：「我嘅感情同事業都開心嘅！（現任男友高過1米7？）唔知講邊個喎！」

此外，一名24歲陳姓男演員早前涉嫌與年僅14歲的女童發生性行為而被捕，令不少網民尋找當事人，陳戩浩被成為嫌疑人之一，不過陳戩浩表示自己只有22歲，亦已經在社交網發文澄清，雖然無辜被嫌疑，但也無辦法：「可能咁啱幾個都廿幾歲，澄清番大家無事就ok啦！但都有朋友關心同留意我，不過冇乜負面特別去攻擊我。（可有被公司問及此事？）又冇喎！本身真係冇做過，所以冇擔心過。」