成家人玩油漆賀39歲牛一 Race唱幾句2R嘅歌多謝Fans

尋日係2R個細妹Race(黃婉佩)嘅39歲牛一，生完仔冇耐完全無肥過嘅Race過咗一個色彩好豐富嘅生日，因為佢一瞓醒就發現花園嘅走廊放滿屋企人嘅相，妹妹Rhonda仲安排咗一個噴漆聚會，一家人一齊用油去為啲枱加工，呢樣係佢一直好想試嘅活動，當然之後仲收到大量禮物同蛋糕，最後拎住一大紥汽球花花就係佢契仔送畀佢嘅，因為太開心，Race都忍唔住拍咗段片，唱咗幾句2R以前嘅歌，多謝Fans祝福之餘仲話好掛住香港。