姜卓文演舞台劇 姜大衛讚囝囝做得好

由姜卓文（細John）、林宣妤（Serene）與蘇子情（Gabriella）主演 ，知名文化人胡恩威擔任導演的舞台劇《香港生死書》正在文化中心公演，昨晚舉行第三場，細John父母姜大衛（John哥）和李琳琳現身捧場。欣賞完細John的演出，John哥大讚囝囝：「好難得！做戲、唱歌、跳舞，同舞台劇完全唔同，當中以舞台劇係最難，因為無得NG，我覺得佢都做得幾好！」

23歲就成為影帝的John哥，原來對舞台劇有一定的恐懼感，John哥說：「我都有做過舞台劇，做過三四次，自己都有恐懼，每次做完都會大病一場，因為壓力太大，大過拍電影好多好多，所以我都估唔到佢（細John）承受到，始終舞台劇好考人，佢做得OK啦，等佢慢慢去感受當中的樂趣。」對細John第一次演舞台劇的評分？John哥：「合格以上啦，好難畀100分！」細John笑說：「同我讀書成績差唔多，都係合格以上！」John哥亦讚Serene和Gabriella等演員，好用心去做好這個舞台劇。

李琳琳特別感激細John經理人給兒子找到這機會學習台上演出，讓兒子打好根基。琳琳姐亦見證了兒子的轉變：「睇到佢喺屋企好用心，每日熟讀自己的對白，以前佢做嘢無咁肉緊，今次真係好努力，希望會有更好的成績。」細John和應媽咪：「我做嘢一向都咁肉緊㗎！」