193被翻舊賬爆有人好想話事 何啟華力斥分化者：未來只會更團結

ERROR的郭嘉駿（193）近日與網民隔空開戰，事緣有買家在193的IG網店付費半年仍未發貨，先後兩次DM給網店但仍未得到任何回應，最終選擇在網上公開事件追討，其後193兩度在IG限時動態回應：「我唔知點解有人話呢條友有禮貌客氣地詢問？『仆街X你』呢啲係乜嘢禮貌? 你自己冇理解清楚件事就鬧我，都唔緊要啦！你鬧埋我啲fans就一定唔得！你唔係話報夢咩?咁我話燒俾你有咩問題?係你冇禮貌在先，我唔覺得需要對你客氣！」

未知是否受此事影響，再加上有人呼籲unfollow 193賬戶，結果他流失了過萬名粉絲，而193在 IG Story分享連登討論區指他Follewers下跌的cap圖，並說：「你搞唔死我㗎，好多人都睇得好通透，唔係咁易比帶風向，要買 @lilaboc.co 始終都會買。」但這個post被刪掉了。

事件一波未平，另一波又起，有網民出post貼了193 TG group chat的紀錄，內容稱193曾經不指名道姓地透露有團員不懂服裝，但好想話事：「今次（團tee）呢件唔係我設計嘅，係某成員設計，設計我完全唔知情，有人好想話事，咁我無理由搶嘢嚟做。所以大家知道設計同埋sizing方面係由一個唔識服裝嘅人話事，不過無乜所謂嘅，因為無論製成品係點，大家都係會課金。」

有網民懷疑「某成員」是指ERROR的Dee哥，Dee哥今日亦在IG story回應，直認自己是「嗰位好想話事嘅成員」並說：「戥我唔抵嘅人，多謝先，因為我覺得你哋真心關心我當時感受，所以我感受到濃濃嘅愛意。不過如果時光倒流，我會俾返3爺做返設計，嗰時我份人係比較獨裁心急，成日自己做planning，單方面想為ERROR做啲事，而忽略咗隊友嘅想法，所以我都上咗一課成長了。」

接着Dee哥道出重點：「想借舊屎（事）嚟搞分化嘅朋友，麻煩你哋慳返啖氣，四為一體，四位一體，一世人兩兄弟有你有我，我哋四個都知唔係口號，未來我哋只會更團結，把握機會做更多好作品娛樂大家！」隊長肥仔轉發留言指：「過咗去嘅嘢就由佢過去啦，四歸一超於一齊（切）領域，相信我哋會越做越好。」保錡更說：「一世人兩兄弟，有你有我，唔使講咁多！」