肥仔懶理繼續瞓 阿Dee變大口葫蘆樣娛人娛己

阿Dee被封「一哥何啟華」唔係無道理，事關佢一舉一動都好有喜感，就好似尋日(20日)，佢又喺IG嘅限時動態發短片，利用變臉app將自己嘅面部五官卡通化，繼而擺出各種趣怪表情，再配合古怪聲音，打嗝或嘔吐，相當過癮。

不但如此，阿Dee仲惡搞正在熟睡嘅肥仔梁業，將佢塊面拉闊、眼睛變長，呢個變臉app搞到肥仔變得更加肥，而且面形似十足葫蘆一樣，上窄下闊，奇怪得嚟又好趣緻。期間，肥仔曾經醒過，發現自己被整蠱，但好快又合埋眼繼續瞓，唔知佢係被整蠱慣咗習以為常，還是真係攰到咁緊要？！