林正峰兒時遭體罰見棍心驚 肥媽哭着安慰：邊個想傷害你呢？

TVB清談節目《代溝關注組》昨晚（2號）探討兩代兒時玩意及體罰，「長輩」及「後輩」群組分別帶了兒時最愛零食及玩具開心Share，成功打成一片。不過，當討論「體罰」這個具爭議性話題時，即火花四射！

Maria Cordero（肥媽）分享兒時一次駭人經歷：「我見過老師開咗個櫃桶，擺（學生）對手入去就嘭！（意指閂櫃桶）」羅毓儀聞言即嚇至咬唇；魯振順（蛋哥）則曾因逃學遭媽媽打罵，但自此汲取教訓不敢再講大話。

林正峰提到小時候遭體罰即表現激動，因曾被用棍打致留下童年陰影，他說：「只要係同棍接觸嘅工作都受影響，離遠望到支棍，只要準備揈落嚟，我成個人已經好震好驚。」肥媽和蛋哥聞言即輪流送抱安慰，及後肥媽相當痛心，並落淚謂：「邊個想打你？邊個想傷害你呢？只不過大家方法用錯咗。」

其實「辯論」期間，長輩們一再強調只支持適度及適宜的體罰，肥媽表示兒子明知被打好痛都會死忍，因知道「阿媽唔會打死我」，後來發現「碎碎唸」比「體罰」更有效，她說：「我之後改為講數，哦咗佢一個鐘，點知佢反而話：『你打我啦！我真係頂唔順喇！』」引發全場爆笑。今晚播出的第四集，兩代群組將大爆「藝人上位血淚史」，鼎爺更自揭曾遭遇「化妝間不公平事件」，一定好多爆料！