王麗嘉金髮遮胸勁有型 王曼喜露背攬實未婚妻老竇見暈

王敏德同馬詩慧有兩個女一個仔，兩姊妹都好受巴打歡迎，因為佢哋好鍾意玩IG，又好鍾意Po性感相去IG，有別港女Po性感相膽拖一堆懶感性文字，王氏姊妹花好Free，隨意貼又唔會作狀地寫一堆嘢，IG幾好睇㗎。

26歲細妹Irisa前日出席活動時自爆同設計師男友Daniel喺4月時分咗手，原因聽佢點講，「有啲嘢唔係好夾，同埋佢好細個，佢細我兩年。其實我鍾意自己一個，開心啲，哈哈！」分咗手4個月當然乜事都冇，阿妹仲放咗啲幫雜誌影性感相嘅花絮照到IG，半裸但金色長髮啱啱好冚住個巨胸，好外國Fashion雜誌Feel，放咗成日得3千8個Like，少咗啲。

29歲嘅家姐王曼喜（Kayla）下年會喺美國結婚，目前就喺美國同未婚妻歎緊世界，日日食買玩超開心。今日佢就Po咗兩張相，相中未婚妻Elaine攬住露背嘅Kayla喺廁所影相，Caption係「You’re stuck with me(你被我困住嘞」，構圖幾得意，不過王敏德好似唔係好接受到，留咗個暈嘅Emoji，咦，仲未慣咩Uncle?