Juicy叮｜工齡10年月薪得1.2萬 中五畢業網民呻：點解個個話萬五係基本

網民的月薪高低近日成為網上熱話，有網民在facebook專頁「奴工處」發文大吐苦水，入職6年月入只得1.2萬元，老闆還嫌人工「高」常被揶揄出去無法生存，引發熱議。

有網民稱，「討論區啲人講到份份工萬五蚊係基本咁，重話譚仔姐姐都有萬六收入」，但據他觀察勞工處的職位很多都是月薪8000至9000元，有些1.1萬至1.3萬元但樣樣事都要兼顧，肯出到1.5萬至1.6萬的工作真的很少，而且最低要求都要公開試五科合格或大學畢業。

發文者呻，「究竟係啲人離地定點，不過都肯定與我無關」，他中五畢業但沒有五科會考成績合格，「有時都好羨慕人哋有萬五以上人工，好似我咁做咗大大話話十年嘢，依家份工做咗6年，人工都係萬二咗右扣埋強積金其實都係萬一蚊」，發文者又不忿，「我老闆重要嫌我人工『高』，成日寸我出到去搵唔到嘢做」

有網民質疑發文者不求上進，「離地嗰個係你....」、「真係有全職工作仲係8-9k?我以40蚊時薪計，一日做10小時，一個月返26日都10400。如果你話人生有起跌，做咗10年跌咗落黎我理解。但如果keep住都係咁，而你唔係因為要排公屋。咁你真係要檢討一下自己係咪渾渾噩噩過咗10年了。」、「其實唔好賴五科唔及格，其實有十年工作經驗，就已經可以揾到份更好，除非你工作表現好差囉」

有網民更建議發文者再培訓，「做十年得11k仲唔轉做其他職位。點生存落去？去學返一技之長啦，可以叫高啲價錢」、「學歷無、特殊技能又無好難比高價你喎，一係考車牌揸巴士，一係夜校上HD，degree」、「中五畢業無五科合格已經解釋咗啦，不如轉做水電啦, 做文職系甘上下啦甘嘅學歷」

帖文轉載自奴工處