Juicy叮｜囑網民負責新項目驚悉已請辭 經理問老闆「咁大件事」無通知眾人

正所謂好來好去，不少人離職都會跟舊東家做好交接。有網民在facebook專頁「奴工處」發文指，離職前一個月才被一位經理吩咐負責一個新項目，令網民感到匪夷所思，經理得悉對方已提出辭職，於是大為驚訝追問老闆，「咁大件事」為何沒有通知所有員工。

有網民稱在一間公司做到心灰意冷，所以上月向老闆提出月底離職。豈料幾名經理與老闆開完會回到公司，經理就向發文者吩咐9月要負責市場推廣工作的大項目。發文者稱，「之後我好驚訝回應同佢講出我已經辭職，然後佢（經理）走去問老闆點解有員工辭職咁大件事，都唔通知所有人。原來老闆都冇打算話畀所有人知我辭職。」

有網民稱，「點解有員工辭職咁大件事...有好大件事?」、「老闆做嘢使鬼通知你咩，你嗰個所謂嘅經理係咪XX㗎」、「一間公司咁多員工，個個走都要通知？」、「如果只係小薯，既然都交咗信唔做，就低調走人，或者你個老闆可能想你低調走人，先無幫你公告天下，我係小薯都唔希望俾所有人知自己辭職，高職位員工辭職就唔同，就一定要公告天下」

有網民更建議發文者應該接下工作，「其實又唔使好驚訝咁和盤托出嘅，你咪照攬埋嚟做跟手last day照走人味得囉」、「好！幾大都照接！然後last day派散水餅bye bye佢條尾。交接都唔洗做，正！」、「你答佢好嘛！放心交畀我！」。

帖文轉載自facebook專頁「奴工處」