Juicy叮｜任職10年不歡而散 網民遭同事挖苦：連60個人散水餅都買唔起

有網民在facebook專頁「奴工處」指，在同一間公司任職10年後，因為待遇不公而辭職，離職當日沒有買「散水餅」，結果被同事挖苦「連60件西餅都買唔起」。

發文者指，同一間公司任職10年，由原本好開心變到好心淡，本身人工得1萬元已經好少，還要處理很多吃力不討好工作，今年6月底因不公平對待而辭職，

發文者遞信當日，老闆還冷眼說發文者一定會後悔，發文者於是「叫佢放心，我唔會後悔」。交辭職信之後發文者同所有人講：「多謝大家，我決定辭職啦，大家唔需要破費去同我搞歡送」。翌日起老闆及其他人就每日安排發文者獨自工作，「趁我一個人做嘢嗰陣，就去茶水間一齊開party，細聲講大聲笑」。

發文者上星期離職，當日無買到「散水餅」，同事趁發文者離開大門的一刻，大聲問：「做咗咁多年，唔係連60件西餅都買唔起呀？請唔起全公司，請我哋呢team人都好呀，計埋都係10個之嘛！」發文者當時不懂反應，之後直接回答：「當初我都講明唔使大家破費同我搞歡送，原因係我唔想虧欠大家，所以根本唔使請大家食散水餅！」

有網民留言稱，「散水餅係人食嘅食物，果班嘢都唔啱食呢啲人食嘅嘢，而且全部都窮到買唔起西餅畀自己食啊陰功，你舊公司嘅待遇睇嚟都堅・刻薄，走得好啊喂」、「咁就更加證明無買散水餅係啱嘅～不過依家個風氣好似派乜都錯咁，呢啲M又俾人串，普通蛋糕又俾人話cheap, 唔派又話，真係好難」

不過也有人質疑，「好奇一問咩工做十年得一萬？」，有人估計「俾老細睇死你唔會走咪唔加人工囉，但點知佢又真係做10年都唔走」

帖文轉載自facebook專頁「奴工處」