【維港會】時代廣場鐘樓拆卸 新地標揭盅

銅鑼灣羅素街時代廣場嘅鐘樓，係一個有二十年歷史嘅地標，好多人約喺下面等。不過，呢個地標喺今年年初拆卸咗，近幾日終於出現新嘅裝置，變成一個藍色新標誌，由五個藍色圓圈組成，好似可以在不同角度轉動咁，表面上唔見有計時功能。

由於原本嘅鐘樓，大家都睇慣咗，所以拆咗之後，路過嘅人同街坊都有啲唔慣，但現在變成新嘅裝置，又成為路人嘅焦點。有朋友話，無咗個鐘，想看時間都無咁方便，但現時人人有手機，又真係唔使成日對時間噃。另外，原本寫上「時代廣場」嘅牆身亦已經改為灰色。