【维港会】时代广场钟楼拆卸 新地标揭盅

铜锣湾罗素街时代广场嘅钟楼，系一个有二十年历史嘅地标，好多人约喺下面等。不过，呢个地标喺今年年初拆卸咗，近几日终于出现新嘅装置，变成一个蓝色新标志，由五个蓝色圆圈组成，好似可以在不同角度转动咁，表面上唔见有计时功能。

由于原本嘅钟楼，大家都睇惯咗，所以拆咗之后，路过嘅人同街坊都有啲唔惯，但现在变成新嘅装置，又成为路人嘅焦点。有朋友话，无咗个钟，想看时间都无咁方便，但现时人人有手机，又真系唔使成日对时间噃。另外，原本写上「时代广场」嘅墙身亦已经改为灰色。