【農曆7月】留東京1個月終返港 方力申隔離住尾房心驚驚

方力申（Alex）在7月中代表TVB出發到東京採訪《2020東京奧運》，雖然奧運已於8月8日閉幕，但Alex一直留在當地旅遊，未有即時返港，更不時在社交網上載「食好西」相片，讓不少香港人羨慕。

近日Alex終於返香港，他在IG Story拍片透露自己到酒店隔離的實況，透露晚上9時多落機，完成手續及等候檢測結果後，再乘坐穿梭巴士，總共花了6個多小時，大約凌晨3時許才去到酒店。雖然只有一個人，但收穫好豐富，除了大量樽裝水，還有幾篋行李，以及一袋二袋行李，真是滿載而歸。

踏入農曆7月14日，鬼門關大開，Alex透露自己住尾房，心裏還有點驚驚：「呢鋪真係正呀，拍咁多《鬼上你架車》，冇事嘅，冇事嘅！」由於要確保隔離人士不可外出，所以房間鎖匙只能用一次便不能再開門，他小心翼翼將行李搬入房，並概嘆謂：「自由嘅可貴，唔好理幾多日隔離，唔畀你出去就係冇自由，度門一關，冇得出去，再見。」

他透露花多少少錢upgrade房間，他更帶大家去Room Tour，見房間相當大，除有兩張單人床，還有偏廳可以看電視和做運動，洗手間亦有闊落空間，他說：「想對自己好少少。」而今早便上載一張歎茶相，趁機享受生活。