穿自家織東奧紀念版外套影封面 跳水王子戴利着淺色泳褲更激凸

27歲的英國跳水王子戴利(Tom Daley)在今屆東奧贏得雙人10米高台跳水金牌及單人10米高台跳水銅牌，但令佢揚名立萬係佢喺場邊織衫嘅畫面。去年英國因為疫情令戴利冇得跳水，抗疫在家就學識編織仲愈識愈勁，然後更開設一個慈善用途的自家編織品牌「Made With Love by Tom Daley」，此IG Follower已逾147萬。

近日，戴利為英國雜誌影嘅封面見街，相中嘅佢着住自家織嘅「東京奧運紀念版」毛衣，毛衣背後有奧運五環及英國隊的標誌，胸前更特別織有「東京」字樣。戴利話去到東京時就希望製作一啲能夠令佢喺未來可以回想到奧運嘅嘢，於是就設計咗呢件外套嘞。

講返封面，着住外套及三角泳褲，掛住奧運金牌嘅戴利被好多肥皂泡圍住，對於佢副靚Body有睇奧運其實都見識過，不過今次佢條淺色泳褲仔令佢顯得更激凸，加埋啲泡泡，夢幻得嚟又好令人有遐想。另外，雜誌仲有一張佢浸住水擺甫士嘅相，都好靚㗎。