何廣沛恨做旁聽生啟發演技　陳自瑤開財路接廣告配音工作

陳自瑤（Yoyo）今日和何廣沛出席《好聲好戲之聲級學堂》啟動儀式，為一眾學員打氣。Yoyo坦言自參與配音比賽真人騷節目《好聲好戲》後，帶挈她接到卡通廣告配音，她說：「廣告要一take過要夾嘴形，唔可以講錯字，仲要我轉男、女及小朋友聲，係我人生之中第一個廣告配音。我個女睇到電視見到個廣告都叫媽媽，係好難得同開心經驗。」問到聲演廣告是否賺到錢？她認為賺錢固然好，但機會同樣難得：「如果有機會深入學習嘅話，當然唔介意，因為聲演對演戲都好重要，如果做埋配音員一分子都開心。」

同場的何廣沛坦言羨慕學員可跟導師上堂，自己也想做旁聽生，又承認參與配音比賽真人騷後，對演戲方面有啟發，令自己進步不少：「配音世界好大，原來分派系，如果公司再開part 2，可以推薦其他藝人參加，等佢哋對這方面多一點認知。」