【七公主】全裸變大露背 林夏薇大膽演出遭刪剪嘆可惜

林夏薇、高海寧、江嘉敏與陳曉華等今日在電視城宣傳劇集《七公主》，薇薇少有地性感亮相，她稱一身造型是為配合劇情，預告近日將與徐榮有一場性感演出。

薇薇透露剛收到劇本時，描述是全裸上陣，最後變成大露背演出。她笑說：「係入行以嚟最突破身心嘅戲份，收到劇本後最擔心就係呢場戲，因為同徐榮有動作戲，唔知道會點拍，好驚會走光，情緒亦唔穩定，係帶住悲傷嘅情緒，幸好有事先排練，拍咗1、2次就完成。呢場戲唔色情，反而係幾感動。」

薇薇透露拍攝時候，製作組預計《七公主》會放在9點半時段，所以這場戲演出較大膽；但結果在8點半合家歡時段播出，因此也需要刪剪，而監製已預告將在網上播出完整無刪剪版，薇薇說：「刪剪咗始終有啲可惜，始終每場演出都想令故事完整。」問性感演出可得老公批准？薇薇說：「佢知道我拍呢場戲，明白我係專業嘅演員，識得點處理。」