《七公主》淚崩演出獲讚 高海寧指跟角色外剛內柔有共鳴

黃翠如、林夏薇、高海寧（高Ling）、劉佩玥、陳瀅、鄺潔楹、江嘉敏及陳曉華合演的TVB新劇《七公主》，已於上周首播，繼早前林夏薇的喪夫演出備受讚賞後，昨晚播出的一集輪到高Ling上演淚曬法庭。

高Ling在劇中飾演男仔頭司機「顧青桐」，昨晚劇情講到她因前男友再陷坐監危機，黃翠如飾的大狀家姐「顧靈珊」見狀遂出手助其脫險，不過當中靈珊卻要當眾揭露青桐當年因未成年誤入歧途兼懷孕，在女童院誕下女兒後被逼母女分離，結果青桐即場當庭痛哭，其表現獲得不少觀眾及網友力讚。

對於表現被讚，高Ling謙稱全靠監製陳維冠（Joe）悉心指導：「做嗰陣係幾度崩潰嘅，因為呢個角色唔會喺人前喊，但又始終都係人會崩潰。呢場戲係一take過，我做嘅時候都好心痛。」高Ling又坦認跟角色甚有共鳴：「大家都係表面上嘻嘻哈哈，但其實內心承受緊好多嘢。」