【七公主】「麻甩」唔怕嚇走追求者 高海寧預告穿透視裝登場

高海寧（高Ling）今日以《七公主》中，《美少女戰士》的Cosplay造型亮相。她表示劇中會以多個不同造型示人，但這身打扮是最難忘的一個，她說：「因為拍咗多場，有啲仲要喺街上拍外景，吸引唔少途人眼望望。」

不過，這身造型未算最爆，她透露將在最後一場戲性感上陣，預告會以透視裝示人，她笑說：「裏面剩係着需要嘅，肉色打底衫保護重要部位，件衫好靚、又好貼身，顯得我屁股好挺。」她笑言當時很瘦，穿各種造型的服裝都靚，不需要刻意再減肥。

劇集播出後，高Ling直言收到很多人的稱讚，朋友更驚訝她可以如此「麻甩」，她說：「大家都覺得我好斯文，但今次受角色影響，我發現自己都粗魯咗。（擔唔擔心嚇走追求者？）監製叫我唔使擔心，因為劇中仲有好多Cosplay，男仔見到就會馬上湧過嚟。」