換完校服冇得返學 Lucy爆喊被媽媽取笑：好假

即將開學嘞，家長和小朋友都要做足準備，網絡人氣王Lucy（李元元）都要準備返學，昨日媽媽幫Lucy試校服，Lucy非常滿意，以為今日有得返學，怎料學校未開門，令她願望落空，一時間接受不了，放聲大哭。Lucy媽今日在IG寫著：「琴日，有人以為試完校服有得即刻返學，發現真相唔係之後立刻嚎哭並大叫：點解咁耐都仲未返學？我好想返學呀！」

在Lulu爆喊的短片之中，見她喊得好淒涼，媽媽在旁不停安慰：「學校未開嘛！咁都有嘅LuLu, 學校開咗媽媽帶你返學啦！唔好喊，好快有得返學。」之後媽媽更笑她喊得假：「你咁假嘅喊得！收聲，試吓套校服好唔好？唔好咁假先，唔好喊，試吓校服裙靚唔靚先。」這時Lucy才開始收聲不再哭，認真搞笑。之後更有兩張Lucy穿上新校服的相片，表現醒神，看來她真的很想返學跟同學仔一起玩。至於今日假期，Lucy則一貫悠閒作風，喊完之後，繼續「攤」在地下上瞓覺，媽媽留言：「Sunday的節奏」加上豬仔圖案。