【表情包】3歲Lucy忽然扭計爆喊 李璨琛：可能以為大家笑佢

3歲最紅得意妹李元元（Lucy）今日和爸爸李璨琛（Sam）一齊出席展覽活動，穿上粉紅色小背心的Lucy，凸出招牌大肚腩，加上表情多多，一時做鬼臉，一時派心心，非常搞笑，頓成全場焦點。但未知是否因為人太多嚇親，當大會送上玩具紀念品時，Lucy一度扭計爆喊挨落爸爸膊頭，最後還要出動台下的媽媽安撫。

Sam笑指囡囡可能以為大家在笑她才會扭計，之後會好好教導。他表示今次不算是父女檔出活動，只是帶囡囡出來行下，問到會否一家人拍廣告？他說：「真係推咗唔少邀請，要視乎內容，時間太長就唔得，因為小朋友冇乜耐性，如果佢扭計，就只有太太可以應付，我也只係囡囡嘅大玩具。

問到會否追多一個？他坦言有在計劃，但因為去年工作太忙，僅個半月時間留在香港。他透露最近正洽談一部一部香港電視劇，可能會在9月開拍，所以會爭取多些時間陪家人，他說：「Lucy 8月開始返幼稚園，所以趁佢返學前都想盡量陪佢。」