拍戲首做女一攰到誤闖男洗手間如廁孫慧雪被網民質疑：有尿兜㗎喎

2021-08-15 22:00

39歲嘅孫慧雪最近忙拍新片《愛還記得》，作為媽咪級「潮媽」嘅雪雪喺戲中仲扮純情學生妹，校服look勁有少女味，仲真實過啲中學生。

雪雪首次喺電影中擔正演出，所以幾乎場場戲都有她同陳國峰，她更邊開工邊影啲拍攝花絮相上載社交網。由於好耐未試過由朝做到晚，呢個靚媽喺社交網站留言話：「我攰到男女不分」仲附加咗條走錯入咗男廁嘅大懵短片。片中有埋女助手聲音導航話：「首先孫慧雪話好急尿，跟住大家睇一睇...」語畢見雪雪由男廁若無其事走出嚟，女助手提示道：「點解你去咗男廁嘅？」此刻阿雪望咗一望先醒覺走錯廁所，她一臉驚恐樣尷尬笑說：「我唔知呀！」

網民對雪雪嘅出錯莫名其妙，有網民質疑話男廁有尿兜㗎喎！仲搞笑取笑她：「咁大懵，有色魔呀！」、「報警拉得！」有人戥她緊張：「好彩冇男人喺入面，唔係嘅話見到你，可能以爲上咗玩嘢王節目！」、「好彩冇䶢濕佬，女人去男廁就無事。」