公開向紅館負責批騷個姐姐求檔期 周國賢：有就批畀我喇

周國賢和樂隊Tonick前晚為網上節目做嘉賓，節目一開始就以《時空》出場，聽得粉絲們非常興奮開心，儼如一個小型band show。有不少歌迷於在節目中不停留言叫周仔同Tonick合作搞騷，又讚恆仔唱現場似乎大有進步，小龜搞笑表示：「可以呀，畀個Account大家科錢先，過咗數我哋先再諗。」又有很多歌迷問周仔，幾時開紅館，周仔就對着鏡頭表示：「唔知紅館負責批騷個姐姐有冇睇緊我哋呢個節目？如果有就批畀我啦，紙我就會永不放棄咁不停入架啦！」

周仔與恆仔因為合作電影《一秒拳王》而成為好友，他更憑電影獲香港電影導演會年度頒獎典禮的「最佳男主角」榮譽，晉身影帝的他笑言真的多謝恆仔想到叫他去演出，對拍電影及唱歌他也非常喜歡，希望日後有更多不同機會。恆仔就表示，當初都係膽粗粗打電話邀請周仔演出，覺得他與角色是絕配，兩人第一次見面就已經有無盡的話題，有一種相逢恨晚的好朋友感覺。

今日（12日）是大學聯招Jupas放榜，周仔於節目中對考生給予鼓勵：「唔使緊張，我當年都唔係考得唔好！」恒仔笑説：「考試係有佢嘅重要性，但唔好將佢擺得太重，考試唔係最終目標，盡力做咗，無論成績點樣都面對佢，人生重有好多其他嘢！」而Tonick鼓手晨曦就最搞笑：「大家考得幾差都好，一定唔夠我差，我係poly 裡面出晒名，史上最低成績畢業學生。哈哈，但係都一樣活得好好。」