攞完影帝工作量大增 周國賢風騷扮聖誕老人唱HOHOHO
2021-08-07 02:30 
周國賢(Endy)憑《一秒拳王》奪電影導演會「最佳男主角」，Endy表示好意外，至今仍唔相信，「我音樂出身，覺得電影獎項離我好遠，感激導演會對我嘅喜愛。」
另外，Endy表示拍《一秒拳王》時整親腳，做咗小手術及物理治療，休息咗1 年， 3 個月前重新出發，目前工作量較做新人時還要多，感恩在疫情下仍繼續有工開。而他原定去年尾舉行的首個紅館演唱會因疫情取消，他說：「可能上天覺得我還未準備好，現正入紙申請紅館舉行個唱，但不會是今年的事。」
拎咗影帝又多Job，下年又有機開紅館，Endy好開心。尋日，佢開工前搽剃鬚膏，見個樣好似黐咗白色鬚咁，就扮聖誕老人嘞，「中秋都未到就要拍定聖誕廣告」，仲以老人聲大唱「HoHoHo Merry Xmas」不過唱唱吓唱到咳，咁可愛咩?
關鍵字
最新回應