【獨家】兩公婆都係「鏡粉」 駱胤鳴單飛重返樂壇為接近AL
2021-08-11 23:23 
組合SiS樂印姊妹成員駱胤鳴月前「升呢」人妻，婚禮中送上親自作曲、填詞嘅新作《有效承諾》畀老公，而呢首歌亦成為駱胤鳴單飛重出江湖之作。作為人氣男團MIRROR成員AL嘅「神徒」，她自爆畀老公Kelvin鬧爆她膚淺，老公曾問過她，重返樂壇為乜？她秒答：「至少換到MIRROR演唱會飛呀！」採訪：方騫平 攝影：梁志明
𠵱家娛樂圈最Hit係MIRROR及ERROR，30歲「人妻」駱胤鳴決心單飛，原來有兩個原因。除咗老公出錢支持她唱歌外，駱胤鳴好想以歌星身份接觸到Anson Lo（盧瀚霆）。她笑說：「就算上面嗰16個人成為市場主流，未必有人留意到我都唔緊要，因為大家唔同風格，而且佢哋啲fans都會結婚，到時可以用我首歌，兩者唔會有衝突，偶像多人鍾意我仲開心啦！」
想合作又怕觸碰太多
駱胤鳴結婚當日，有朋友竟然拎咗張AL單人相跟她同老公「合照」，笑爆全場！她不忿說：「老公鍾意Edan，佢由廁所唱到出客廳不停唱《e先生連環不幸事件》，又周圍同人講鍾意Edan，好唔畀面我呀！反而結婚嗰日啲人問我愛老公多啲定AL？我有畀足面話『梗係我老公啦！』我最Like AL靚仔，笑容好又善良，佢喺MV望住你嘅眼神，好似望穿人咁！」年前已約滿TVB嘅駱胤鳴都想入ViuTV同「教主」合作，但又唔想觸碰到偶像，內心好矛盾！
關鍵字
最新回應