買鋼琴預備復出 吳雨霏Show琴技Sammi叫彈多啲

吳雨霏（Kary）於2015年跟初戀男友、網球王子洪立熙（Brian）結婚，婚後育有一子一女，生活好幸福。月前，Kary出席品牌活動，透露兩個夠晒數，加上大仔已開始返學，因此準備逐步復出幕前。

Kary冇吹水，仲好認真地買咗鋼琴，坦言好耐無唱歌有啲脫節嘅佢做足功課。佢喺IG Po自拍彈琴片，「細個嗰陣阿媽逼彈琴，真係好憎，覺得好悶，入左行先發覺彈琴係好好玩嘅一見(件)事！到而家好恨彈琴，好想邊彈邊唱，所以今日帶你返屋企真係好好好好開心 。」

佢最後仲問，「大家又記唔記得呢個intro係邊首歌呢？」問題對Fans嚟講當然冇難度，好多都識答係《二十世纪少年》，另外鄭秀文亦欣賞Kary嘅琴技，叫佢以後彈多啲。