买钢琴预备复出 吴雨霏Show琴技Sammi叫弹多啲

吴雨霏（Kary）于2015年跟初恋男友、网球王子洪立熙（Brian）结婚，婚后育有一子一女，生活好幸福。月前，Kary出席品牌活动，透露两个够晒数，加上大仔已开始返学，因此准备逐步复出幕前。

Kary冇吹水，仲好认真地买咗钢琴，坦言好耐无唱歌有啲脱节嘅佢做足功课。佢喺IG Po自拍弹琴片，「细个嗰阵阿妈逼弹琴，真系好憎，觉得好闷，入左行先发觉弹琴系好好玩嘅一见(件)事！到而家好恨弹琴，好想边弹边唱，所以今日带你返屋企真系好好好好开心 。」

佢最后仲问，「大家又记唔记得呢个intro系边首歌呢？」问题对Fans嚟讲当然冇难度，好多都识答系《二十世纪少年》，另外郑秀文亦欣赏Kary嘅琴技，叫佢以后弹多啲。