七仙羽刪「冇頭相」兼道歉 強尼：做人不要強出頭，係啱㗎！

七仙羽師傅日前在社交網站上載了與姜濤、Anson Kong及強尼等的「冇頭」合照，搞到一眾網民笑爆咀，自認是IG新手的七師傅，昨日在社交平台向Anson Kong及強尼等人致歉：「冇頭事件，sorry about that!我之前不玩IG，因為非常忙碌，加上根本不會，但電視台導演叫我玩。平時拍攝節目時，見到主持人陳安立丶kathy 仔時，他們幫我玩IG.偶爾我自己也玩，但我從來冇諗過IG會冇頭。我還興奮的將冇頭相片發給姜濤丶Anson kong..後來新聞出街，別人告訴我，才發現原來每張相片都冇頭。」

結果七師傅當然馬上刪除所有「冇頭相片」：「我也send 了信息給Anson kong，好彩他冇嬲，還說好好笑！但是强尼的頭，我不會搞，因為和MIRROR的相片一起放，如果刪除，又要全部刪除，所以冇辦法。其實强尼之前和我踩兒童單車的相片也冇頭。不止强尼，其他人也冇頭.so...Anyway，我下次再見到陳安立Brian 及kathy 仔時，會用十分鐘時間學習玩IG。對於冇頭事件，sorry about that!」

其後Anson Kong亦有留言安慰七師傅，強尼搞笑地說：「師父，細細個時老師已經有教我，做人不要強出頭，所以張相，阿強唔出個頭，係啱架！我知師父你愛我嘅，我都愛你！幫我祈福增運please！#我下半邊面其實仲好睇 #識睇一定咁睇」