落重料炒「mi粉」媽咪嫌難啃　鄭秀文自嘲： 開舖的話蝕瓜我

近期經常於IG做「吃播」的鄭秀文（Sammi），今日就化身「煮飯婆」上載影片騷廚藝，她留言：「某日。懶係比（畀）驚喜老媽子，晨早起牀準備炒米粉給老媽子。點知結果係……🥴🤢😵‍💫」自嘲「廚藝幼兒的班」的Sammi稱今次「炒mi粉」落重料，搞到米粉淹沒在「料頭大海」之中，連她都不禁Hashtag「999足料米粉」、「《愛你愛到殺死你》的續集《重料重到嚇死你》」，笑言相信齋吃料也飽足七日。

最終，Sammi媽尶尶尬尬怕Hurt到她，只說叉燒蝦米太多，令老人家難以吞嚥，於是Sammi就將整盤「炒mi粉」拎返屋企，決定「自己炒米自己隊」！其後，她又貼出「炒mi粉」材料照，相中的蛋絲、冬菇、蝦米，豬肉等，份量十足，Sammi繼續以「妹仔大過主人婆系列」為題，取笑自己所預的料頭和米粉比例全錯，還Hashtag笑說：「米粉遇溺」、「光食料已經滯」、「開舖的話蝕瓜我」、「孤伶伶的米粉」，而一眾網民紛紛笑稱：「咁足料，一定會成日去幫襯」、「好想食Mi煮嘅嘢啊！落足材料」、「你開舖唔會蝕瓜你，$1000一碟mi炒冇料剩米粉都食😍」等，亦有人建議她將多出的材料用來整蘿蔔糕、水餃、春卷等。