55歲湊開囡囡扮Cute冇問題 郭富城跳開心環保舞踢走膠樽

郭富城今日喺IG Po咗段片，背景係卡通化嘅藍色海洋，音樂係混音版《Baby Shark》，城城喺片中係咁跳舞，又舉手又踢腳，一踢仲會踢走啲卡通膠樽同罐，配合埋Cute爆片情，臨尾嚟多個《唱這歌》招牌踢腿動作，邊似55歲呀。

城城出Po表示:「環保是全人類應該關注的課題。我聯同大家喜愛的鯊魚寶寶Baby Shark ，一起為推動環保訊息齊跳『環保舞』，提醒大家減少用即棄塑膠用品，多用可重用的餐具、布袋、口罩等！齊來響應綠色生活，建立少塑生活環境，培養小朋友從小養成少塑從揀的習慣，男女老少都為環保出一分力。」